Beteja në prokurori/Garuesit për zgjedhjet në universitetet kallëzojnë rivalët për shpërdorim detyre

Të gjithë kundër të gjithëve është një parim qe ne kohë zgjedhjesh nuk ndiqet vetëm nga politika, por edhe nga akademiket. Teksa zgjedhjet në universitete do të mbahen ne 30 korrik, garues por edhe persona të tretë kanë filluar të dorëzojnë kallëzime për rivalët për shpërdorim detyre, herë duke shpresuar se në këtë mënyrë po hapin perden dhe po tregojnë ç’po ndodh në universitete e herë duke shpresuar se në këtë mënyrë po trembin rivalët Një burim i tha Top Channel se denoncimi me i fundit u regjistrua në datën 16 korrik nga komisioni institucional i zgjedhjeve kundër kandidatit për rektor zotit Petrit Bara. Profesori është kallëzuar për shpërdorim detyre me argumentin se pas këqyrjes se formularëve të vetëdeklarimit ka paraqitur të dhëna të pasakta të vitit të lindjes, që në formulare është ndryshe nga ai në kartën e identitetit.