“Data e zgjedhjeve për organet drejtuese të IAL-ve shtyhet deri në një moment të dytë kur mund të sigurohet pjesëmarrje më gjithëpërfshirëse e studentëve”, kështu njofton ministrja Besa Shahini. Shahini njofton se përgatitjet për zgjedhjet për rektori të ri dhe anëtarëve të senatit akademik të Universitetit të Tiranës, gjithësesi duhet të vazhdojnë në mënyrë që IAL-të të jenë gati të fillojnë fushatën zgjedhore menjëherë pas shpalljes së datës. “Shpresoj që ky urdhër të mundësojë kthimin e vëmendjes së udhëheqësve të arsimit të lartë publik tek planifikimi i mbylljes së suksesshme të vitit akademik për studentët“, thotë ministrja e Arsimit.