Pas një seance maratonë, gjykata kundër korrupsionit dhe krimit të organizuar la në fuqi kërkesën e tre prokurrorëve Arben Kraja, Altin dumani, Sotir Kllapi, për masën e sigurisë arrest me burg për ish-presidnetin ilir meta, detyrim paraqitje për bashkëshorten e tij deputeten Monika Kryemadhi dhe detyrim paraqitje për Piro Xhixho dhe Ema Coko. Pas seancës gjyqsore, Ilir Meta është zhvendosur nga burgu Mine Peza drejt burgut 313 në Tiranë. Seanca gjyqsore ndaj ish-presidentit dhe bashkëshortes së tij ka nisur rreth orës 9:30 minuta dhe pas një shkëputje për ti dhënë kohë avokatëve të njihen me dosjen, është rikthyer rreth orës 13 e 30 për të zgjatur deri rreth orës 18 pasdite. Përmes xhamave të dhomës së ngushtë ku qëdnronte I arrestuar, Ilir Meta iu drejtua me fjalë fyese dhe kërcënuese prokurorit Altin Dumani, i cili sipas mediave e ka pritur me qetësi shpërthimin e ish-presidentit nën arrest.