Zëri i Amerikës: Kushtetuesja, Meta sulmon ambasadën e SHBA-ve
21/11/2019 19:03

Në Shqipëri presidenti Ilir Meta ju rikthye sot sulmeve ndaj përfaqësuesve ndërkombëtarë lidhur me Reformën në Drejtësi dhe kryesisht për komentet e tyre mbi përplasjen rreth çështjes së emërimeve të anëtarëve të Gjykatës Kushtetuese. Shkak për këtë duket se u bë një deklaratë e shpërndarë më herët nga ambasada amerikane lidhur me ringritjen e Gjykatës kushtetuese e cila konsiderohet “një hap madhor në procesin e reformës në drejtësi”. Duke ju referuar situatë së krijuar, ambasada vëren më tej se “ky përparim i nevojshëm ka ngecur për shkak të interpretimeve të ndryshme ligjore të procesit të emërimit, parashikuar nga kushtetuta shqiptare dhe ligjet për zbatimin e reformës në drejtësi. Institucionet gjyqësore shqiptare, kushtetuta dhe ligjet për zbatimin e reformës në drejtësi, duhet të udhëheqin procesin e zgjidhjes së këtyre intepretimeve të debatuara. Në mungesë të një institucioni të përshtatshëm ligjor, i cili mund të vendoste mbi intepretimet e kundërta, Shtetet e Bashkuara – thekson deklarata – mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias. Ecja në këtë drejtim do të ishte tërësisht në përputhje me aspiratat europiane të vendit”. Menjëherë më pas, zëdhënësi i presidentit Meta reagoi me të njejtën gjuhë të ashpër, të përdorur nga Kreu i Shtetit ditët e fundit, duke mos kursyer as përfaqësuesit ndërkombëtarë, të etiketuar “garantët e veprimeve të paligjshme dhe mafioze të Dvoranit”, kryetarit të Këshillit të Emërimeve në Drejtësi, KED. Presidenti Meta sulmoi në mënyrë të drejtëprdrejtë ambasadorin italian Alberto Cutillo, i cili ishte i pari që hodhi publikisht idenë e përfshirjes së Komisionit të Venecias për zgjidhjen e përplasjes mbi emërimet e anëtarëve të Gjykatës Kushtetuese, ide e cila u mbështet dhe nga Brukseli. Por për Kreun e Shtetit shqiptar “tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës”. Reagimi i zëdhënësit të Presidentit, vijon me një referencë të qartë ndaj ambasadës amerikane kur shprehet se “Rruga e Elbasanit të çon në Elbasan dhe Rama e përdor dhe për në Xibrakë”, lokalitet ku disa vite më parë u zbulua një laborator kokaine. “Mjaft më “Rule of Embassy”. Është koha për “Rule of Law” si çdo vend demokratik”, vijon reagimi. Zëdhënësi i zotit Meta konfirmoi më pas zhvillimin e një bisede që presidenti shqiptar ka patur mbrëmë me zëvendës ndihmësin e Sekretarit amerikan të Shtetit Matthew Palmer, “me kërkesë të këtij të fundit. Qëndrimet e Presidentit Meta të shprehura gjatë kësaj bisede telefonike kanë qenë mjaft të qarta, transparente dhe shteruese”, shpegoi zëdhënësi Tedi Blushi duke shtura se nëse ambsada amerikane do të ishte dakort presidenca do të ishte gati “ta vëmë atë të plotë në dispozicion të opinionit publik vendas dhe ndërkombëtar. Presidenti Meta nuk ka asgjë për të fshehur! Konfirmojmë se marrëdhëniet tona strategjike me SHBA janë të forta, të qëndrueshme dhe transparente, si asnjëherë!”, mbyllet reagimi. /VOA

Cakaj: Shqipëria merr zyrtarisht Kryesinë e OSBE-së
06/12 11:05
Ruçi: Të ndjejmë apelin e të lënduarve, bashkëpunim politik
05/12 15:55
107-vjetori i Ushtrisë Shqiptare/ Meta mesazh për Forcat e Armatosura
04/12 11:15
Basha këmbëngul te plani 3-pikësh: 500 inxhinierë janë gati të kontribuojnë vullnetarisht
03/12 16:36
Si do ndihmojë konkretisht BE? Ja ç’thotë Soreca
02/12 17:14
Rama e ftoi në tryezë/ Basha: S’është koha as për politikë as për propagandë
30/11 18:33
Rama flet për rindërtimin e banesave: Të gjithë do të jenë të gjithë më mirë seç ishin përpara se të fillonte kriza
29/11 08:05
Meta: Pres popullin në shesh, nuk iki nga sheshi deri sa…
25/11 21:42
AntiKÇK, PD dhe LSI kundër/ Basha: Largimi i kësaj qeverie është ilaçi për këtë krizë
25/11 20:03
Shtatë prioritetet e Ramës/ Legalizime, kampusi universitar dhe “Mini-Shengeni Ballkanik”
25/11 20:01
Hetim kush jeton në luks pa punë/ Ligjet e reja AntiKÇK, pezullim para vettingut për të korruptuarit në drejtësi
25/11 19:58
Emërohen 8 prokurorët SPAK/ Më 19 dhjetor është radha e presidentit t’i dekretojë
25/11 15:50
Ligjet e reja AntiKÇK, pezullim para vettingut për të korruptuarit në drejtësi
25/11 15:35
Paketa e ligjeve AntiKÇK/ Rama prezanton strategjinë kundër korrupsionit dhe krimit
25/11 13:43
Sot formohet SPAK/ Në listë tetë emrat e kandidatëve për njësinë e posaçme
25/11 13:36
Presidenca: Me datë 8 dhjetor tubim mbarëpopullor për nisjen e një dialogu me Shqipërinë
24/11 20:28
Nisma e Metës për referendum/ Kushtetuta parashikon 50 mijë firma, ose mbështetje nga deputetët
24/11 20:13
Basha: Vendi vazhdon të zhytet në krizë! Rama bën gjithçka për pushtet, vonoi ngritjen e SPAK dhe BKH-së
24/11 20:06
Ligj special kundër KÇK/ Rama: Kundër foleve të krimit dhe korrupsionit
24/11 20:03
Ndryshimi i Kushtetutës, reagon Meta: “Do jem në Kuvend me të gjithë popullin shqiptar”
24/11 15:38