Duke analizuar arritjet dhe sfidat e Kosovës në 12-vjetori e Pavarësisë, gjatë bisedës në “Wake Up”, analisti Adri Nurellari tha se Albin Kurti dhe Edi Rama duhet të lënë mbrapa hatërmbetjet personale dhe të mendojnë për dy popujt dhe dëshirën që ata kanë shfaqur për bashkimin kombëtar. Duke analizuar qëndrimet e fundit të Albin Kurtit, analisti Nurellari u shpreh se Albin Kurti e ka harruar idenë e bashkimit kombëtar me Shqipërinë. Sipas Nurellarit, Kurti edhe në krijimin e qeverisë së tij nuk ka përfshirë asnjë shqiptar nga Shqipëria në postin e ministrave, ndërkohë që homologu i tij Edi Rama në Tiranë ka dy ministra nga Kosova.