Një nga ekspertët më të njohur në SHBA në fushën e bioteknologjisë, virologu shqiptar Arban Domi tha për “Wake Up” se kompania e tij “Geovax” dhe kolegët e laboratorit në Wuhan, janë duke bashkëpunuar për përgatitjen e vaksinës ndaj virusit të ri që po trondit botën. Domi u shpreh se në 2-3 muajt e ardhshëm, vaksina do të testohet tek kaviet në kushte laboratorike, ndërkohë që ajo mund të jetë gati pasi të shihen efektet te njerëzit, pas 1 viti e gjysmë deri në 2 vjet. Ai shpjegoi me detaje dhe përbërjen e kësaj vaksine, ndërkohë që virusi i ri tha ai, CONVID 19, ka shumë ngjashmëri me virusin SARS deri në 78%. Ndaj përgatitja e vaksinës - sipas tij - është e vështirë, pasi edhe për SARS-in nuk është zbuluar asnjë vaksinë deri tani.