Një studim i Organizatës Botërore të Shëndetësisë, i publikuar vitin e shkuar, tregoi që Shqipëria është një ndër vendet që vuan nga kequshqyerja tek fëmijët, ndërsa një anketë e Autoritetit Shëndetësor Rajonal të Tiranës, realizuar po vitin e shkuar, me fëmijë të klasave të dyta, evidentonte obezitetin tek fëmijët e kryeqytetit. Duke marrë shkas nga këto të dhëna, por edhe sepse të ushqyerit e shëndetshëm është një zakon që duhet të nisë që në fëmijëri, Agjencia e Mbrojtjes së Konsumatorit në Tiranë, ka nisur fushatën “Ushqehu shëndetshëm, merr bukë me vete!”. Ne ishim në shkollën 9-vjeçare “Dora D’istria”, ku folëm me nxënës, prindër dhe specialistë të kësaj fushate sensibilizuese.