Gazetarja e njohur Iva Tiço ishte pjesë e diskutimit të sotëm në “Ftesë në 5” me Bieta Sulo, nga ku tregoi se me sa dëshirë i pret festat e fundvitit, sidomos zbukurimin e shtëpisë dhe pemës së Krishtlindjeve. Ajo pohoi se këtë vit pemën e kishte vendosur gati një muaj më parë dhe si çdo herë ka ndihmuar edhe njerëzit e dashur në dekorimin e pemës. “Kam zbukuruar më shumë se një pemë. Vjet kur publikova ‘diku te pema e gjashtë apo e shtatë’ në Instagram te një familjari im në lokal, shkruajta: zbukuroj pemë, ofroj shërbim në shtëpi, të betohem më erdhën tre oferta…”, tha Iva duke qeshur.