Hetim kush jeton në luks pa punë/ Ligjet e reja AntiKÇK, pezullim para vettingut për të korruptuarit në drejtësi
25/11/2019 19:58

Në momentin kur Këshilli i Lartë i Prokurorisë i hapi dritën jeshile ngritjes së SPAK, kryeministri Edi Rama prezantoi detaje nga projekt ligjin special kundra gjyqtarëve dhe prokurorëve të etiketuar prej tij si organizata kriminale e KÇK. Top-Channel e disponon një kopje të këtij draft ligji qëllimi të cilit është, parandalimi, përndjekja dhe gjurmimi për të dokumentuar veprimtarinë kriminale, përfshi përdorimin e influencës mbi politikanë, masmedia, administratë publike, autoritete gjyqësore apo aktivitete ekonomike korrupsioni përfshi kërkim për përfitime apo pushtet. Në nenin 5 të projektligjit parashikohen subjektet nën hetim përfshi rastet kur. “Ka dyshime se standardi i jetesës nuk është i justifikuar nga burime të ligjshme por nga të ardhura të veprimtarisë së krimit të organizuar, krimeve të rënda dhe terrorizmit”. Ndërsa neni 6 parashikon që subjektet sipas nenit 5 që ndodhen jashtë territorit të Shqipërisë nuk mund tju lejohet hyrja dhe kthimi në vendbanim pa iu nënshtruar një verifikimi të hollësishëm nga policia e shtetit në pikën e kalimit të kufirit. Në pikën 3 të nenit 6 thuhet. “Policia e shtetit mund ti kërkojë institucioneve kopetente ndalimin e posedimit ose përdorimit pjesërisht ose plotësisht të pajisjeve të komunikimit, mjete transporti të blinduara ose të modifikuara për të rritur fuqinë e tyre e shmangur kontrollet e policisë si dhe programeve kompjuterike apo mjete të tjera që shërbejnë për kriptimin e bisedave dhe mesazheve”. Në projektligj neni 9 sjell një masë ekstreme që lidhet me përdorimin e pasaportave. “Policia e shtetit ndaj subjekteve të këtij ligji mund të urdhërojë tërheqjen e përkohshme të pasaportës dhe pezullimin e vlefshmërisë për çdo dokument tjetër ekuivalent. Tërheqja e përkohshme e pasaportës dhe pezullimi i vlefshmërisë për mërgimin e çdo dokumenti tjetër ekuivalent, i komunikohet menjëherë prokurorit të rrethit ku banon personi”. Një prej kolonave të projektligjit është hetimi pasuror. “Hetimet do të kenë objekt edhe bashkëshortin, fëmijët dhe bashkëjetuesin e 5 viteve të fundit, si dhe ndaj të gjithë personave juridikë me të cilët pasuria e subjekteve nën hetim ka lidhje drejtpërdrejtë apo të tërthortë”. Projektligji përmes nenit 17 I jep policisë akses pa limit tek kompanitë e telefonisë celulare. “Për identifikimin në kohë reale të subjektit /numrit të telefonit apo lokalizimin e antenave loguese të dy komunikuesve si dhe krijimin e mundësive të identifikimit të përdoruesit fundor të internetit”. Neni 22 parashikon hapat në konfiskimin e pasurive kriminale. “Gjykata vendos për konfiskimin e aseteve apo pasurive të cilat administrohen, posedohen ose janë pronësi të subjekteve të këtij ligji, të cilët nuk kanë mundur dot të provojnë para gjykatës origjinën e ligjshme me të cilën kanë krijuar ose fituar asetet apo pasuritë objekt gjykimi”. Në projektligj parashikohet se të ardhurat nga qiraja, shitja dhe likuidimi pasurive derdhen në fondin e drejtësisë. Ndërsa pasuritë e paluajtshme me një vlerë mbi 400.000 euro shiten sipas procedurave dhe të drejtën e parablerjes e kanë entitetet juridike me përbërje nga personeli i forcave të armatosura ose forcat e policisë. Zbatimin e kësaj iniciative ligjore do ta bëjë një strukturë e posaçme brenda Drejtorisë së përgjithshme të policisë e quajtur “Drejtoria kundër krimit të organizuar” me degë në 12 drejtoritë vendore në të gjithë Shqipërinë.

Flet Rama për Top Channel: Me Merkel plan të përbashkët veprimi në shtimin e donatorëve
27/01 15:20
Rama nga Berlini: Faleminderit për solidaritetin dhe ndihmën, Gjermanisë dhe vendeve të tjera
27/01 13:40
Ambasadorja e re e SHBA/ Meta pranon letrat kredenciale të Yuri Kim
27/01 11:15
Rama në Berlin/ Pritet nga kancelarja Merkel
27/01 10:51
Përkujtimi i Holokaustit/ Meta: Krenar për kombin tonë që mbrojti dhe mirëpriti mijëra hebrenj
27/01 10:18
Deklarimi i dëmeve të tërmetit/ Banorët kanë 1 muaj kohë për njoftimin në platformën online
26/01 14:56
Ekskluzive/ Edi Rama për Top Channel: Ramushi ktheu shpifjen në pushkë që kur ka lënë pushkën
24/01 15:38
Fati i Ballkanit Perëndimor, kthehet drejt Evropës, tre shtyllat e zgjerimit
24/01 15:35
“Rama deshi të ndajë Kosovën”/ Haradinaj në “Open” thellon akuzat për homologun
24/01 12:10
Rama takon kryeministrin italian/ Kryeministri vizitë në Itali për konferencën e donatorëve
23/01 15:19
SPAK hetim për videon e kokainës/ Kryebashkiaku: Padi Salianjit dhe një TV lokal, është montazh
23/01 15:15
“Anti-shpifja” në “Venecia”/ Basha: Projektligjet e kësaj pakete cënojnë të drejtën e fjalës
23/01 12:28
Meta vlerëson Njësinë izraelite të Shpëtimit Kombëtar me “Dekoratën e Artë të Shqiponjës”
23/01 10:47
Mbërrin Ambasadorja amerikane/ Yuri Kim do drejtojë ambasadën e SHBA për tre vite
22/01 19:50
Nga çadra në shtëpi/ Rama dhe veliaj vizitojnë familjen e dëmtuar nga tërmeti
22/01 16:55
Miratohet ligji i amnistisë/ Deputetët në Kuvend kërkojnë që të shtohen përfituesit
22/01 15:25
Artan Hoxha publikon pamjet/ Kryebashkiaku duke konsumuar kokainë në lokal
22/01 14:47
“21 janari”, 9 vite pa drejtësi/ Përkujtohen katër viktimat e protestës së 2011
21/01 15:03
9 vjet pa drejtësi/ Përkujtohen 4 viktimat e 21 janarit
21/01 12:26
Rama në Ukrainë: Synimi ynë, të sigurojmë një armëpushim të plotë dhe të qëndrueshëm
20/01 16:02