Me konfirmimin e rasteve të reja me KOVID-19, lajmi i mirë është se përqindja e të shëruarve është më e lartë krahasuar me të infektuarit aktivë. Në Shqipëri për shkak të KOVID-19 është shpallur gjendja e fatkeqësisë natyrore, ndërsa vazhdojnë masat e shumta si mbyllja e institucioneve arsimore, ndalimi i hyrjeve me vendet fqinje për udhëtarët, pezullimi i fluturimeve me disa vende, pezullimi i transportit urban dhe i qarkullimit të automjeteve private dhe kufizimi i lëvizjes së qytetarëve. Nga dita e djeshme ka nisur edhe faza e dytë ajo e lehtësimit të masave për një pjesë të konsiderueshme të bizneseve, ndërkaq ju është dhënë edhe më shumë përparësi personave që duan të kryejnë vizita mjekësore nëpërmjet një leje të posaçme që duhet ta marrin në portalin e-albania. Sot në një lidhje Skype, ishim zv ministren e shëndetësisë, doktoreshë Mira Rakacollin e cila sqaroi situatën dhe nëse zbutja e masave do të ndikojë në strategjinë e gjurmimit të qarkullimittë virusitrnë vend. "Strategjia e testimi ka rezultuar e suksesshme. Testimet janë bërë te njerëzit që kanë qenë të dyshuar. Do vazhdojë politika e testimeve më e fortë në momentin që do të zbuten masat. Tamponimi të tregon vetëm për momentin që bën tamponin e ke apo jo sëmundjen. Unë mund ta bëj tamponin sot dhe rezultoi negativ dhe pas dy ditëve mundtë rezultojë pozitiv."