Shkollat janë mbyllur deri në datën 23 mars si pasojë e situatës së krijuar nga Covid19 në vendin tonë. Por për të gjithë nxënësit është gjetur një mundësi që ata mos të mbeten mbrapa në mësime por edhe të jenë më të angazhuar gjatë kësaj kohe nëpërmjet mësimit virtual duke përdorur të gjitha rrugët e mundshme të komunikimit. Rrjetet sociale nëse i kemi konsideruar si të dëmshme deri tani për fëmijët apo të rinjtë, ato do të luajnë një rol kryesor në transmetimin e informacionit arsimor, por do të jetë edhe media ajo që do jetë pjesë e këtij procesi.Zv, Ministrja e Arsimit Nina Guga u shpreh se mësuesit por përdorin të gjitha platformat e mundshme për kryerjen e mësimit në të gjithë territorin e Shqipërisë dhe në ato familje që s'kanë kushte ekonomike apo dhe sociale për të ndjekur platformat e dedikuara për mësimin virtual. "Ministria e Arsimit po përdorin të gjitha mënyrat e mundshme; përveç mësimin përmes kanalit publik RTSH dhe platformës dedikuar për mësimin virtual akademi.al, mësuesit po përdorin dhe plaforma të tjera si skype, grupe Whats App, sms etj. Madje vetë nxënësit propozojnë mënyra kreative sesi të zhvillohet mësimi nga shtëpia"- tha zv Ministra Guga. Edhe maturantët, tashmë do të orientohen për programin që ju ka mbetur virtualisht në kushtet e shtëpisë. "Për këta të fundit është shumë e rëndësishme që të ndjekin udhëzimet e Ministrisë dhe të orientohen nga platformat."