Pak ditë më parë u shkarkua nga detyra Çesk Millja i cili mbante detyrën e prefektit të Shkodrës për arsye se nuk mori masat e duhura për të minimizuar rrezikun nga koronavirus. Menjëherë në vend të tij është emëruar Zv. ministri i Brendshëm, Besfort Lamallari, i cili ka nisur punën me institucionet kompetente për të mbajtur nën kontroll situatën në këtë qytet. Ditë pas dite Shkodra vijon të jetë një qytet problematik (i dyti pas Tiranës) dhe është vënë re se qytetarët nuk janë treguar shumë të përgjegjshëm lidhur me respektimin e masave. Policia ndërkohë ka shtuar masat dhe ndëshkimet po ashtu duke përdorur këtu edhe dronët që evidentojnë qytetarët që shkelin rregullat. Ne do të lidhemi me z. Lamallari për të kuptuar më shumë mbi angazhimin e tij të ri në këtë qytet dhe situatën aktuale aty.