Wake Up/ Zëri i Hoxhës, këmbanat e kishës, boritë, zilet, “Kumbima” e Tiranës dëgjohet në Bienale

"Kumbima" është një projekt interesant i cili është prezantuar në Bienalen e Arkitekturës dhe të Artit në Tbilisi (e mbështetur nga Komiteti Evropian). Ky instalacion ka bashkuar arkitektë, artistë, inxhinierë zanorë, programues dhe shkrimtarë. Ky projekt paraqet një gjendje të veçantë të shoqërisë duke bashkuar eksperienca të ndryshme akustike të përditshmërisë si: cicërimat e zogjve, zëri i Hoxhës, këmbanat e kishës, zhurma e makinave, ambulanca, këngë fetare, zilja e shkollës...etj. Po ashtu video shoqërohet në sfond edhe lulen e shqiponjës e cila na identifikon. Ky projekt e merr zanafillën e tij nga ndryshimet që ndodhën në shoqëri në vitet '90, të cilat i zhveshën njerëzit nga ndjenja e kolektivizmit duke i bërë më individualistë. Po ashtu në këtë ilustrim tregohet qartë për një harmoni fetare që pranohet prej vitesh në Shqipëri. Sot qyteti zhurmon nga larmi tingujsh dhe zërash që e përfaqësojnë atë, që nga elementët e përditshëm të jetës urbane deri tek të gjitha nuancat fetare.