Sot është Dita Ndërkombëtare e Artizanatit e cila gjithmonë e më tepër po merr vëmendje edhe në Shqipëri. Artizanët e fushave të ndryshme po kërkohen edhe nga të huajt për produktet e tyre të cilat mbi të gjitha janë unike dhe mund të bëhen sipas kërkesave dhe porosive. Tashmë ka disa punë ose zanate të cilat nuk njohin më as gjini dhe mund të bëhen si nga femrat ashtu edhe nga meshkujt. Nuk është më ҫudi që të shikosh një djalë që punon me grep sikurse ka raste të grave zdrukthtare apo ato që punojnë hekurin. Artizani Eldi Zebelin, i cili edhe pse në moshë të re ka disa vite që realizon punime me dorë. Ai e ka nisur me punimet me grep rreth 7 vite më parë kur kjo gjë nuk ishte aspak e zakonshme. Aq më tepër e veҫanta e tij është fakti që këtë zanat e ka mësuar nga youtube dhe nuk e ka të trashëguar nga gjyshja apo prindërit siҫ mund të mendojnë ata që po na ndjekin. Vitet e fundit ai i është përkushtuar kryesisht bizhuterive të realizuara me dorë me stilin macrane (teknikë thurjeje me nyje-pa grep). Eldi ka krijuar qindra aksesorë të tillë me nyje dhe secili prej tyre është unik.