Wake Up/ Ylljet Aliçka me pjesën “Letra” sjell në “Metropol” një histori krejtësisht personale

Marku, personazhi është një lypës, një i pastrehë, në një natë me shi i cili i kërkon një mësuesi të qytetit (Andreas) që t'i shkruajë një letër në mënyrë që të përfitojë një banesë sociale. Ai kërkon që letra e tij të lexohet e të lexohet sa më shumë pasi vetë nuk di as të shkruajë, as të lexojë. Kjo është historia që rrëfen shfaqja “Letra” që do të shfaqet në datat 31 Janar, 1, 2, 7, 8 dhe 9 shkurt, ora 19:00 në Teatrin Metropol. Një vepër që flet mbi mjerimin që gjeneron dashuri, një mjerim të përbashkët, të jetës së gjithkujt, të historisë së një pjese të botës në një qytet malor, e cila është si shtëpia që na mungon dhe si jeta që nuk mund ta rilexojmë.