Mëngjesin e sotëm në “Wake Up” në Top Channel ishte e ftuar bukuroshja Xhesika Berberi. Ajo do të qendrojë në Shqipëri vetëm për pak ditë pasi do të prezantojë “Miss Universe Albania & Kosova 2020”, bashkë me Adrola Dushin dhe moderatorin Alaudin Hamiti. Xhesika u shpreh se ndihet shumë e lumtur që do të prezantojë këtë kompeticion dhe aq më tepër që firma më e madhe ndërkombëtare Christian Dior do të kujdeset për veshjet e saj. “Kur e mora vesh këtë lajm isha në shok, më erdhi shumë e papritur. Unë kam një marrëdhënie shumë të mirë me një nga vajzat që shet tek dyqanet e Christian Dior dhe mendova t’i shkruaj njëherë për kompeticionin që kisha. Mundësitë ishin të vogla duke qenë se ata veshin imazhe shumë të mëdha. Pas dy ditësh marrë një telefonatë dhe më tha: “Xhesika po kërkon të të veshë ty”. Aty mbeta pa fjalë. Për herë të parë në Shqipëri, Christain Dior do të vesh një vajzë”. Xhesika rrëfeu se skena e Miss Universe Albania para 9 vitesh më ka hapur dyert për të qenë këtu ku jam sot.