Komuniteti LGBT+ ka kërkuar që të kenë mundësi ligjërisht që të birësojnë fëmijë. Kjo lëvizje me sa duket do të kalojë në disa etapa. Faza e parë drejt këtij qëllimi final është së pari njohja e bashkëjetesës apo martesës mes së njëjtën gjini. Xheni Karaj, aktiviste dhe përfaqësuese e komunitetit LGBTI+ tha se ajo dhe partnerja e tij do të hapin një proces gjyqësor që gjykatat në vend ti njohin bashkëjetesën ose martesën me partneren e saj të së njëjtës gjini. "Ajo çfarë kemi kërkuar si fillim është njohja e bashkëjetesave apo martesave (për emërtimin do të biem dakord) brenda së njëjtës gjini. Unë me partneren me të cilën kam 5 vjet që bashkëjetoj kemi ndërmend të nisim një proces që quhet "litigim strategjik" dhe është një proces që ti sfidon deri diku sistemin gjyqësor në vend që të njohë bashkëjetesën apo martesën e çifteve të komunitetit LGBT+ dhe në momentin që sistemi gjyqësor në vend jep një vendim negativ për njohjen e bashkëjetesës sonë kemi ndërmend ta çojmë çështjen në gjykatën e Strasburgut"- deklaroi Karaj.