Mëngjesin e sotëm në “Wake Up” ishte e ftuar mezzosopranoja Vikena Kamenica e cila pas një pauze të gjatë rikthehet me një koncert më kuadër të 100 vjetorit të Tiranës Kryeqytet i Shqipërisë, në orën 19:00 tek holli i Muzeut Kombëtar. Por çfarë zbuloi Vikena nga ky koncert? “Këngët janë tiranase të sjella në formën jazz dhe classic. Janë 11 pjesë që do të interpretohen. Jam munduar që këngët t’i këndoj të rregullta dhe të mos devijoj shumë, por kostumi që iu vishet është modern. Do ketë pak njerëz në hollin e Muzeut Kombëtar për shkak të situatës. Së shpejti në momentin më të parë ky do të vijë si një koncert i madh për të gjithë publikun, koncerti i sotëm është një provë gjenerale. Ky koncert do të vijë i madh sapo të krijohet mundësia në kuadër të 100 vjetorit të Tiranës Kryeqytet i Shqipërisë. Unë jam rritur me serenatat korçare, por fëmijërinë time e kam kaluar në një familje tiranase. Ky projekt ka nisur në shkurt, por për shkak të situatës u ndërpre.”