Raporte të fundit tregojnë se kërcënimi dhe shantazhi nëpërmjet video-skandaleve seksi janë mjeti numër 1 që shërbimet sekrete anembanë botës përdorin për të shkatërruar një politikan apo figurë publike. A konsideron se ky është lloji i shantazhit më efikas? Ngaqë shkatërron njëkohësisht edhe karrierën profesionale dhe jetën private? Si i trajton bota këto raste, sidomos personazhet shumë të njohur të politikës, medias, artit? Shumë prej tyre në Amerikë si moderatori i famshëm David Letterman, apo një nga baballarët e komedisë amerikane Bill Cosby, apo edhe bosi i Amazon dhe “Washington Post” Jeff Bezos kanë denoncuar shantazhuesit dhe kanë bërë gjithçka publike... E për tu kthyer në realitetin shqiptar ku prej një jave tashmë mjedisi politik, mediatik dhe rrjetet sociale po vlojnë nga një video-skandal që thuhet se do të bëhet publik shumë shpejt, ku implikohet një ambasador i huaj dhe një zyrtare e Ministrisë së Brendshme.