Mëngjesin e sotëm në “Wake Up” ishte këngëtarja Vesa Smolica e cila fundjavën që lamë pas ka prezantuar këngën e re “Kaj”. Ashtu sikurse dhe këngët e tjera, Vesa ia ka besuar vetes sërish tekstin dhe melodinë. E pyetur për këtë këngë Vesa u shpreh: “ Kjo këngë ka si fabul një person i cili ndan dashurinë mes dy vajzave, njërën për lidhje serioze dhe tjetrën për aventurë. Jam frymëzuar nga një statistikë e vogël që kam bërë në rrethin tim dhe ka rezultuar që të gjithë janë të lënduar prej një historie apo një tjetre, janë tradhtuar duke i çuar ata në dëme psikologjike.” Përgjatë bisedës Vesa rrëfeu: Klipet janë promovim i mirë për publikun dhe organizatorët e mbrëmjeve muzikore. Këngët e mia me klipe nuk është se tregojnë fuqinë e vokalit tim, janë këngë komerciale që dëgjohen me qejf”.