Valon Shehu, një nga zërat më të bukur shqiptarë dhe një nga djemtë më simpatik, së fundmi ka një projekt interesant për të publikuar një cover të famshëm ҫdo të premte në mbrëmje. Deri më tani ai ka publikuar dy të tillë me klip, "My life is going on"-Casa De Papel dhe i dyti "Një herë në jetë" nga Dafina Zeqiri. Duket se kanë pasur shumë impakt në publik dhe pse jo ky mund të konsiderohet edhe si një rikthim ndryshe i Valonit. Në vazhdim ai do të sjellë edhe projekte të vetat muzikore për të cilat po punon. Po ashtu Valoni ka nisur edhe një angazhim si prezantues në televizion në një program për talente të reja, i cili është ndërprerë për momentin për shkak të pandemisë. Kjo është një eksperiencë ndryshe për këngëtarin, të cilën duket se e ka shijuar shumë. Po ashtu ai ka edhe një lokal të vetin, në të cilin është pezulluar edhe puna për shkak të masave dhe në pak kohë do t'i rikthehet normalitetit.