Ditët e fundit Organizata Botërore e Shëndetësisë ka rikthyer në vëmendje sëmundjen e turbekulozit. Organizata më e madhe shëndetësore ka nxjerrë udhëzimet e reja për trajtimin e turbekulozit , i cili së fundmi është parë shumë rezistent tek fëmijët dhe adoleshentët edhe pse këta të fundit janë trajtuar me medikamente. Sipas OBSH, në Evropë diagnostikohen çdo vit me turbekuloz 2000 mijë fëmijë nën moshën 15 vjeç një shifër që besohet të jetë më e lartë në grupmoshën 15-19 vjeç. Nga këto raste 14 % e tyre shfaqin forma të rënda dhe të vështira për tu trajtuar . Për këtë arsye OBSH ka rekomanduar që në trajtimin e këtyre pacientëve që janë fëmijë dhe adoleshentë të futen në listën e medikamenteve disa lloje preparatesh që janë testuar vitet e fundit si: bedaquiline edhe tek fëmijët e moshës nën 6 vjeç ndërsa për fëmijët nga 3 vjeç por edhe më të mëdhenj, OBSH rekomandon preparatin delamanid. Ndërkaq situata përsa i përket rasteve të turbekulozit Organizata Botërore e Shëndetësisë në raportin më të fundit vë alarmin në lidhje me sëmundjen e tuberkulozit, pasi vitin e fundit është rritur ndjeshëm numri i të sëmurëve. Sipas raportit të OBSH-së, 10 milion raste janë shtuar me këtë sëmundje vetëm vitin e shkuar në mbarë botën, ndërsa humbën jetën 484 mijë njerëz përgjatë 2018. Sa i përket të dhënave në 2018 për Shqipërinë, theksohet se ka pasur raste në rritje dhe se numri i të prekurve ishte plot 440. Të dhënat tregojnë sakaq se 73% e të prekurve janë burra dhe 26 % janë gra. Tuberkulozi (TB) mbetet një nga 10 shkaqet kryesore të vdekjes në të gjithë botën.