Rikthimi i masave kufizuese në vend, ku ndalohet çdo lloj lëvizje e qytetarëve por edhe e aktiviteteve nga ora 22.00 e mbrëmjes deri në 06.00 të mëngjesit duket se ka vënë sërish në vështirësi subjektet e ndryshme. Ata që i kanë ndjerë më shumë këto orë kufizimesh që prej gati një jave kur kanë filluar të aplikohen masat e reja të vendosura nga Komiteti Teknik i Ekspertëve , janë linjat urbane të transportit publik që operojnë në kryeqytet. Ata shprehen se vendosja e këtyre masave ka sjellë dhe kufizim të orareve me të cilat operojnë, një humbje nga kapaciteti i punës me tre orë dhe kjo sipas tyre është një kosto që i shtohet edhe më tej humbjes së madhe që pësuar nga izolimi i parë. Po a kanë marrë një përgjigje për një zgjidhje të kësaj situate nga autoritetet përkatëse, sa janë humbjet për këto linja që operojnë në kryeqytet, gjatë kësaj periudhe a janë respektuar protokollet AntiCovid dhe a do të vazhdojë transporti publik në Tiranë nëse kjo situatë nuk merr zgjidhje