Pas një sërë protestash për plotësimin e kushteve nga Ministria e Infrastrukturës, operatorët ende nuk kanë një përgjigje se si do të veprohet, ndaj ata kanë shtyrë sërish afatin për rikthimin në punë, megjithëse fillimisht ishte menduar data 22 qershor për rifillimin e transportit urban. Pas më shumë se 3 muajsh që qëndron tërësisht i pezulluar si shërbim, transporti urban ende nuk ka marrë zgjidhje. Ndërsa gjatë të gjithë kohës duket se kërkesat e operatorëve dhe shoqatave të Transportit Publik kanë qenë të njëjta dhe në to përfshihet: - Subvencionim nga shteti për vendet bosh në mjete për shkak të pandemisë; - Të hiqet akciza për naftën dhe taksat për karburantin, ngjashëm me sektorin e peshkimit; - Të ulet TVSH-ja nga 2% në 0% për këtë vit dhe më pas në vitin e ardhshëm të jetë 6 për qind.