“Toquel” është emri i tij i artit me të cilin është bërë i njohur si reper dhe producent në Greqi. Në të vërtetë quhet Klaudjo Dhespo por jo të gjithë e njohin me këtë emër. Ai ka rreth 12 vite që merret intensivisht me muzikë dhe një pikë kthese në karrierën e tij ishte publikimi i albumit “777” vitin e kaluar, i cili është vlerësuar shumë në shtetin fqinj por ky numër ka dhe një kuptim personal për reperin që e ka dhe tatuazh nw trupin e tij. Deri përpara pandemisë, “Toquel” ka pasur shumë koncerte, madje më shumë se 20 të tilla vetëm tetorin e kaluar. Është për t’u përmendur fakti që albumin e tij të fundit prezantoi në një nga skenat e mbyllura më të mëdha të Greqisë me rreth 2500 vetë në publik. “Toquel” ka realizuar edhe disa këngë në gjuhën shqipe në fillimet e tij po padyshim suksesin më të madh e ka me këngët solo në greqisht dhe bashkëpunimet me artistë grekë. Ai ka realizuar koncerte thuajse në të gjitha qytetet e Gjermanisë, Qipro, New York, Chicago…etj