Ajo është ndër radiot me playlistën më të pëlqyer muzikore pasi sjell shumëllojshmëri rrymash, duke bërë që gjenerata të ndryshme të gjejnë veten aty… Po flasim pikërisht për Top Gold Radio të cilën e dëgjoni në 100.8 MH, pasi sot është një ditë e shënuar për të, 20-vjetori i krijimit. Kujtojmë se pjesën më të madhe të kësaj radioje e zë muzika me transmetim 24 orësh dhe kryesisht ajo e para viteve 2000. Në këtë radio transmetohen rrymat muzikore që ju i keni për zemër, si: rock, pop, soul, blues me të gjitha hitet e grupeve dhe kantautorëve më të mëdhenj ndër vite.