Mbrëmjen e djeshme me rastin e e 100-vjetorit të Tiranës si kryeqytet, në sheshin "Nënë Tereza" është prezantuar në Hologram historia e qytetit ndër vite. Kjo është një shfaqje e rrallë që realizohet për herë të parë nga "Qendra Ti" me mbështetjen e Ministrisë së Kulturës dhe Bashkisë së Tiranës. Bëhet fjalë për video-art mbi historinë, kulturën dhe etnografinë e Tiranës, e cila përshkruhet përmes figurave 3D. Videot përmban disa elementë artistikë të kombinuar së bashku; pikturën, narracionin, muzikën, modën, etj. Në këtë krijim shfaqen modele që përcjellin etnografinë shqiptare, të sjellë nga hologramet në formë reale, shoqëruar me muzikë etno dhe narracion për secilën epokë, në formën e një përralle. Për më shumë ne do të sjellim pamje të drejtpërdrejta nga sheshi "Nënë Tereza", ku do të vijojë projektimi me "Hologram" përgjatë ditës së sotme dhe nesër.