Artistja nga Kosova, Alketa Xhafa Mripa e cila prej vitesh jeton në Angli dhe njihet për veprën artistike dhe angazhimin e saj publik për të sjellë ndryshime sociale në shoqëri ka qenë këto ditë në faqet e para të medieve britanike. Arsyeja është vepra saj murale që vinte si një thirrje për gjendjen e të pastrehëve dhe për misionin e artit. Artistja ka realizuar dy murale, njëri me treshen e të pastrehëve dhe qenin dhe murali tjetër një tipografi me ngjyra, ku shkruhet “Throught Arts We Rise”. Muralet janë përfunduar në urën e West Hampsteadit dhe për këtë artistja Xhafa-Mripa ka bashkëpunuar me dy artistë të njohur ndërkombëtarisht për këtë lloj arti, me Zabou dhe Ben Eine. "Through arts we rise”, (Përmes artit ne lartësohemi) është organizata jofitimprurëse e themeluar prej saj për të sjellë në vëmendje fenomene të ndryshme sociale dhe padrejtësi përmes artit publik.