Teksa Covid 19 tashmë po gjen përhapje në Shqipëri, sipas të dhënave që vijnë nga studime të ndryshme në veçanti nga Kina , vendi i origjinës së virusit thuhet se fëmijët janë më pak të rrezikuarit, Vetëm 0.2% e fëmijëve dhe adoleshentëve bien preh deri në humbje jete nga Covid-19 në krahasim me 15% të 80-vjeçarëve e lart. Megjithatë gjatë gjithë këtyre javëve autoritetet e shëndetësisë kanë përsëritur mesazhin se personat që kanë imunitet të dobët duhet të kenë një kujdes me të shtuar, dhe në mënyrë të veçantë ata që kanë sëmundje të tjera shoqëruese. Në fakt ndonëse janë fëmijë, ata kanë një imunitet më të dobët nga të tjerët dhe këtu e kemi fjalën për fëmijët me sindromën down. Ditët e fundit drejtuesja e Fondacionit Down Syndrome Albania, Emanuela Zaimi në rrjetet sociale kanë shpërndarë një mesazh për të përcjellë shqetësimin si prind i një fëmije me këtë sindromë, por edhe për një mbështetje më të madhe për këta fëmijë në këtë situatë si dhe për të gjithë ata të mitur me aftësi të kufizuar. Sot atë e kemi në një lidhje Skype nga Vjena ku do të na flasë më shumë se si po e përjeton këtë situatë dhe a i kanë kushtuar autoritetet shëndetësore një vëmendje të veçantë këtyre fëmijë në këtë situatë, qoftë edhe me mesazhet sensibilizuese.