45 vite që Tedi Papavrami nuk i ndahet violinës ndaj ta mendosh Tedi Papavramin pa violinë është gati-gati e pamundur. Por edhe pas kaq vitesh vazhdon të jetë pop njësoj pasioni për violinën apo tashme është një marrëdhënie që e vështirë ta përcaktosh pas kaq vitesh të pandarë.. "Për mua violina është një kërkesë e vazhdueshme e bukurisë dhe një ideali që unë kam në kokë dhe që më duket gjithmonë se do ta realizoj më së fundmi. Nuk jam penduar që i kam dedikuar jetën violinës por megjithatë e kuptoj që ka diçka absurde. Nuk jam nga ata që mendoj se gjithçka është e shkruar nga fati. Jeta më ka shtyrë drejt violinës në një mënyrë që nuk më ka dhënë shumë zgjedhje. Megjithatë unë mendoj se çdo jetë është shumë e kufizuar dhe kufizimi im është zgjedhja e violinës, por nga një anë është kufizim nga një anë është liri. Çdo gjë që të kufizon të jep një lloj lirie brenda saj".