Wake Up/ Të mbyllen fasoneritë dhe qendrat call center. Thirrja vjen nga Unioni i Sipërmarrësve

Elisabeta Katiaj, kryetarja e Unionit të Sipërmarrësve të Rinj Shqiptarë u bën thirrje sektorëve që mund ta organizojnë punën nga shtëpia, të ndihmuar edhe nga Qeveria që në bazë të dekreteve të emergjencës, ka miratuar edhe buxhetin në ndihmë të situatës për bizneset dhe popullsinë në tërësi të veprojnë në këtë situatë të krijuar. Ajo vuri theksin te bizneset që kanë më shumë se 10 të punësuar që të gjejnë mënyra të tjera për të zhvilluar biznesin e tyre. "Unë mendoj që ato biznese që kanë mbi 10 të punësuar duhet ta mbyllim aktivitetin. Fasoneritë p.sh. kanë qindra punëtorë që rrinë në një mjedis të përbashkët po ashtu dhe call center, gjë që përbën rrezik për përhapjen e koronavirusit"- tha Katija.