Wake Up/ Sulmet kibernetike në internet. Kush është i riu shqiptar që sfidoi hakerat në Zvicër?!

Sulmet kibernetike "trembin" edhe shtetet më të fuqishme. Hakerat janë kudo dhe nuk njohin kufij. Për 'kriminelët" e teknologjisë, qeveritë e çdo vendi, organizata kanë ngritur sisteme sigurie që mos të bien pre e tyre. Ndërkohë që në periudhën e koronavirusit, këto sulme janë bërë edhe më të shpeshta duke shfrytëzuar situatën kaotike të vende, dhe duke sulmuar edhe sistemet e tyre shëndetësore e duke vënë në rrezik edhe jetën e njerëzve. Të sfidosh hakerat sot nuk është e lehtë, aq më tepër kur ndërmarrin sulme të përmasave të mëdha. Në fakt personazhi me të cilin do të flasim këtë mëngjes e ka bërë një gjë të tillë. Është 23 vjeçari Mikel Grabocka, nga Korça i cili prej dy vitesh studion për master në shkenca kompjuterike në Universitetin e Politeknikut në Zyrih. Mikeli ka qenë pjesë e një eventi shumë të rëndësishëm, Geneva Cyber 9/12 Strategy Challenge, ku ai së bashku dhe më anëtarët e grupit që përfaqëson, grupi " Idonea" arritën që të shpalleshin fitues (të çmimit të tretë), ku sfiduan një simulim të një krize të madhe kibernetike në vende evropiane por jo vetëm.