Një studim i ri i kryer nga " Qëndresa Qytetare", i cili u bë publik për herë të parë sot në "Wake Up" është mbështetur mbi pyetësorët që ju janë drejtuar rreth 720 studentëve të 9 universiteteve publike në vend, mbi aksesin që kanë në internet, si i vlerësojnë universitetet e tyre gjatë kësaj periudhe në performacën e dhënies së leksioneve online por studimi ndërkaq nxjerr edhe të dhëna përsa i përket pagesës së qirasë për qindra studentë që vazhdojnë të jetojnë në apartamente Studimi analizon një nga problematikat më të rëndësishme atë të pagesës së qirasë së apartamenteve ku jetojnë të rinjtë. Nga anketimi rezulton se pavarsisht aktivit normativ të qeverisë ku të rinjtë do të lehtësoheshin nga pagesat për dy muaj, duket se një pjesë madhe e tyre rreth 28.3% e tyre vazhdojnë të paguajnë qiranë normalisht kjo për arsye se shumica nuk kanë kontrata noteriale me qiradhënësit e tyre Pyetësori ndërkaq nxjerr në pah edhe një problematikë tjetër, 30.2% e studentëve i mbulojnë vetë pjesërisht ose plotësisht shpenzimet për sigurimin e studimeve dhe jetesës, ndërsa 68.8% të studentëve shpenzimet ua mbulojnë familjet e tyre. Për të gjitha detajet e këtij studimi diskutuam sot me Migen Qiraxhi nga " Qëndresa Qytetare".