Sot votohet në 12 universitete për drejtuesit e rinj të institucioneve të arsimit të lartë. Gjatë ditës së sotme pritet të votojnë rreth 4 mijë pedagogë dhe 70 mijë studentë në të gjithë vendin. Por ky proces duket se nuk do të jetë shumë i qetë. Gjatë një lidhje direkte në "Wake Up", studentë të Universitetit të Tiranës në rolin e monitoruesve të zgjedhjeve thanë se nuk do të votojnë, por do t'i bojkotojnë ato. Një nga arsyet sipas tyre është se këto zgjedhje po zhvillohen duke shkelur rregullat ligjore dhe nga ana tjetër, pesha e votës së studentëve sipas tyre është shumë e ulët vetëm 10% në krahasim me atë të stafeve akademike që është 90%.