Me zgjerimin e listës së bizneseve të lejuara për të ushtruar aktivitetin dhe me heqjen e “leje daljes” duket se shqiptarët pak nga pak po i kthehen normalitetit. “IDRA Research&Consulting” kompani shqiptare për kërkime tregu dhe shërbime këshillimore, në një anketë të re ka trajtuar shqetësimin më të madh që shoqëron tani shqiptarët në këtë “jetë normale” të re. Nga përgjigjet e mbledhura vihet re se “frika për shëndetin” nga KOVID-19 del në plan të dytë dhe shqetësimi përqendrohet tek situata ekonomike ku më shumë se gjysma e të anketuarve (57 %) shprehen se janë “shumë të shqetësuar” ose “më së shumti të shqetësuar” për gjendjen e tyre ekonomike.