Psikoterapeuti Etion Parruca ka zhvilluar një sondazh shumë interesant online, për të kuptuar se si po e përjetojnë shqiptarët periudhën e izolimit. Sondazhi ka 35 pyetje dhe është plotësuar nga 2587 persona, nga të cilët 77.4% (2003) janë femra dhe 22.6 % (584) janë meshkuj. Ky pyetësor ka për qëllim që të zbulojë se sa të stresuar janë qytetarët gjatë këtyre ditëve, si e perceptojnë të ardhmen, sa frikë kanë, ҫfarë informacionesh lexojnë, sa të nevojshëm e kanë psikologun, a kanë probleme me gjumin, ҫfarë i shqetëson më shumë...etj. Ajo që është vënë re është fakti që janë më së shumti femrat ato që kanë treguar interes për t'ju përgjigjur këtyre pyetjeve. Pyetjet janë nga më të ndryshmet. Por pyetjes se sa frike keni se mund të jeni infektuar tashmë me COVID-19; 43% janë përgjigjur aspak, 39% pak, 13% konsiderueshëm dhe 4% shumë. Ndërkohë pyetjes nëse kanë frikë se mund të infektoheni me Kovidi 19 në ditët a javët e ardhshme; 14% thonë, aspak, 47% pak, 27% konsiderueshëm dhe 12% shumë. Një seri pyetjesh ka të bëjë dhe me gjendjen e tyre në izolim. Ajo që bën përshtypje është se një përqindje e madhe ndjehen të trishtuar; pak të trishtuar 50%, konsiderueshëm 16% dhe shumë 13 %.