IDRApoll.com, paneli i anketimeve online, ka realizuar një anketë mbi qëndrimin e shqiptarëve për çështje të ndryshme në lidhje me COVID-19, si informacioni që kanë mbi të, vaksinimi, puna e institucioneve apo opinione mbi teori të ndryshme konspirative. Dilemës së marrjes së vaksinës ose jo kur ajo të jetë gati, të anketuarit i janë përgjigjur me skepticizëm, 54% e tyre deklarojnë se “më së shumti jo” ose “absolutisht jo”, nuk do e bëjnë vaksinën edhe kur ajo të jetë gati. Skeptikët e vaksinës më pas janë pyetur se cilat sipas tyre janë arsyet kryesore të refuzimit të vaksinimit kur ajo të jetë gati. Më shumë se gjysma e tyre (53%) i druhen efekteve anësorë të vaksinës, 20% e tyre janë kundra vaksinave në parim, 11% e tyre dyshojnë te efektshmëria e saj.