Deri dje kemi jetuar në një shoqëri fluide ku gjithçka rridhte shumë shpejt dhe madje edhe marrëdhëniet e dashurisë nuk kishin kohë për t’u jetuar në plotësinë e tyre. Por izolimi sot ka ndryshuar gjithçka. Dhuna në familje është shtuar, ndërsa mosmarrëveshjet po ua çojnë ndër mend njerëzve divorcin. Pse ndodh kjo? Partnerin dhe marrëdhënien me të, ndoshta kemi shumë vjet që e kemi marrë si të mirëqenë. Por tani që e gjejmë veten së bashku më gjatë në shtëpi, mund të kemi ndjenjën e të jetuarit me një të huaj. Konflikti mund të lindë nga ekspozimi ndaj tjetrit, nga klima e frikës ndaj së cilës ne jemi të ekspozuar, nga vështirësitë e mundshme ekonomike, nga pasiguria në punë dhe mbi të gjitha nga pamundësia për të shpëtuar, duke përfunduar duke nxitur zemërimin dhe zhgënjimin. Por përveç çështjeve brenda familjes, me sociologun Gëzim Tushi, do të diskutojmë sot edhe se si ka ndryshuar apo do të ndryshojë sjellja jonë sociale. A do të nguliten këto sjellje dhe norma edhe pas karantinës? A na ka bërë izolimi më të vetmuar?