"Snack food", i konsideruar ndryshe si ushqim i shpejtë dhe jo gjithmonë i shëndetshëm, vit pas viti po shndërrohet në një trend botëror. Muaji shkurt që prej vitit 1989 është cilësuar edhe si "Nacional Snack Month" dhe përgjatë këtij muaji njerëzit duhet të sensibilizohen për t'u ushqyer në një mënyrë sa më të shëndetshme. Teksa edhe në Shqipëri propagandohet për një ushqyerje sa më të mirë, statistikat tregojnë se nga viti 2019 deri në 2024 tregu global i "Snack food" pritet të rrisë fitimet me 5.34 %. Mesatarisht, rreth 27% të kalorive që merr një fëmijë në ditë merren nga "Snack food". Veҫanërisht ushqimet e kripura janë ato që preferohen më tepër dhe deri në vitin e ardhshëm konsumimi i tyre pritet të rritet me 5,6 %. Të dhëna të tjera tregojnë se në ditët e sotme familja e plotë konsumon 1 deri në 2 vakte së bashku sepse nuk kanë kohë për më shumë siҫ ndodhte dikur.