Shqipëria është një vend i pasur me burime të trashëgimisë kulturore dhe historike, ku promovimi dhe mbrojtja e tyre shërben dhe si atraksion për turistët. “Smart Heritage” është projekti i cili ka si objektiv promovimin, vlerësimin dhe mbrojtjen e trashëgimisë kulturore në zonën e Adriatiko-Jonianit, nëpërmjet identifikimit, nxitjes, administrimit dhe shfrytëzimit të potencialeve të burimeve njerëzore dhe jo vetëm, për të zbatuar aktivitetet e parashikuara në kuadër të këtij projekti me përfitues final, Muzeun Arkeologjik të Durrësit i cili është përzgjedhur si institucioni ku do të zbatohet projekti pas një analize të brendshme institucionale nga Ministria e Kulturës. Ky projekt ka si qëllim tërheqjen e turistëve dhe zvogëlimin e sezonalitetin të turizmit në Shqipëri dhe në vendet e tjera ku zbatohet projekti, si Greqi, Itali dhe Bosnje-Hercegovinë nëpërmjet përdorimit të teknologjisë. Nëpërmjet projekteve pilot, trashëgimia kulturore do të prezantohet në një mënyrë inovative, digjitale dhe multimediale tek turistët dhe banorët lokal nëpërmjet hologrameve, imazheve 3D dhe filmit të shkurtër “Smart Heritage”.Për tëmë mësuar më gjatë rreth rrugës digjitale të promovimit të turizmit ishte me ne në studio Fjodora Fjora, gazetare.