Njerëzit sigurisht janë më të lumtur para se të nisen sesa kur kthehen nga pushimet. Për shumëkënd kulmi i lumturisë së tyre është pikërisht gjatë procesit të programimit të pushimeve deri në detaje. Kjo sepse pritshmëria për të pasur pushime relaksuese dhe argëtuese i bën ata të lumtur. Pooooooor.... Sivjet është shumë më ndryshe! Shumica e atyre që kanë mundësi financiare sivjet që të bëjnë pushime, e kanë lënë deri në ditët e fundit prenotimin diku në Shqipëri (sepse jashtë nuk bën njeri pushime, përjashto Turqinë). Sipas World Tourism Organization, rezulton (sigurisht) se gjermanët janë populli më i organizuar kur bëhet fjalë për të planifikuar pushimet e tyre pasuar nga francezët, holandezët, austriakët, italianët etj. Në tre vitet e fundit, statistikat tregojnë se numri i turistëve që i organizojnë vetë pushimet është rritur me të paktën 30% krahasuar me turistët që ua besojnë agjencive të udhëtimeve, pushimet e tyre.