Policia e shtetit ka hartuar një plan të detajuar masash në lidhje me mbarëvajtjen e procesit mësimor. Në një lidhje direkte, në hyrje të shkollës 9 vjeçare" Sabaudin Gabrani", nën drejtori i policisë së Tiranës, Dhimitraq Ziu shpjegoi me detaje se si do të menaxhohet e gjithë situata gjatë gjithë turneve të zhvillimit të mësimit. Ai tha se janë 450 efektivë të policisë që janë shpërndarë në të gjitha institucionet arsimore të qarkut Tiranë, të cilët po menaxhojnë situatën : që nga grumbullimet e prindërve pranë hyrjes së shkollave , shmangies së aksidenteve për ato që kanë dalje në rrugë por edhe incidenteve që mund të ndodhin në afërsi të tyre. Nën drejtori i policisë ju drejtoi një thirrje prindërve që të shmangin grumbullimet dhe të respektojnë rregullat antiCOVID.