Wake Up/ Si u bë hit, kënga “Banania” në versionin “Korona”, flet çifti simpatik që realizoi videon

Banania' e Dashnor Dikos në versionin Korona realizuar nga një çift shumë simpatik si Gjergj dhe Ermira Ndoci u bë hiti i javës në rrjetet sociale dhe vazhdon të mbajë kryesimin. Çifti shumë simpatik që realizoi videon e këngë "Korona" në një lidhje skype nga shtëpia e tyre na tregoi sesi u realizua ajo dhe përse vendosën ta hidhnin në rrjetet sociale. "Ne e kemi si traditë që realizojmë me tekste të ndryshme, versionin "funny" të këngëve të njohura për miqtë tanë të ngushtë si formë shakaje. Edhe këtë version e bëmë për disa miq që kemi në një grup Whats App-i dhe nuk kishim fare si qëllim ta shpërndanim apo të bëheshim të famshëm"- na treguan mes të tjera Gjergji dhe Ermira.