Shumë fëmijë kanë vështirësi në të lexuar, në të shkruar, por kjo nuk do të thotë se ata kanë aftësi të kufizuara të mësuarit. Nga studimet e fundit në Shqipëri të bëra nga organizata të tilla si “Terre des Homes” apo “Save the Children” rezulton se 1 në 10 fëmijë ka nevoja të veçanta. Ndër këto, më shumë se gjysma ka çrregullim në komunikim dhe ka nevojë për trajtime të specializuara. Sot është Dita Evropiane e Logopedisë, e cila këtë vit ka në fokus pikërisht vështirësitë në të nxënë siç janë vështirësitë në shkrim apo lexim.Një fëmijë me paaftësi në të mësuar, shpesh shfaq disa shenja të lidhura me to, dhe këto vijojnë të shfaqen gjithnjë e më shumë me kalimin e kohës dhe ndryshojnë nga personi në person. Disa prej tyre janë: Probleme në aftësitë matematikore; vështirësi për të kujtuar; vështirësi në të përqendruar; vështirësi në perceptimin e kohës.