"Debatet dhe bisedat tona për mjekësinë janë të përditshme pasi përveç babait Flamur Topi edhe mamaja ime është mjeke dhe vëllai im. Jemi katër mjekë në shtëpi"- thotë Rubin Topi, mjek okulist, djali i mjekut të njohur Flamur Topi. Bisedat në shtëpinë e mjekut Flamur Topi janë bërë edhe më intensive sidomos gjatë kësaj periudhe të epidemisë. "Sidomos këtë periudhë jemi në biseda konstante sidomos pasi dhe meraku është më i madh. Unë kam studiuar dhe kam jetuar disa vite në Turqi dhe një kolegu im atje më tha se aktualisht në Turqi janë shumë mjekë okulistë që janë prekur nga Kovid-19 dhe janë të intubuar. Ata janë infektuar për shkak të profesionit. Pra rreziku është i lartë dhe babai këtë merak ka ngaqë ne jemi vazhdimisht në punë dhe rrezikojmë"- tha Rubini.