Sot e hënë në të gjithë vendin nis shkolla, por kjo jo për të gjithë nxënësit. Janë vetëm maturantët ata që do t'i rikthen mësimit pas 2 muaj nga mbyllja e institucioneve të arsimit. Por edhe kthimi në klasa do të shoqërohet me protokolle të veçanta, nën kushte të rrepta higjieno-sanitare si dhe të distancimit fizik. Është parashikuar që qëndrimi në klasa të bëhet me orare të reduktuara ndërkohë që ai do të vijojë deri në 5 qershor, pasi kësaj date nisin dhe provimet e maturës shtetërore të cilat do të vijojnë në po të njëjtat data, pavarësisht pandemisë që ka mbërthyer botën. Ne bëmë sot gjithë itinerarin e masave që do të zbatohen sot që nga momenti i hyrjes deri në qëndrimin në klasë , në një lidhje direkte nga shkolla e mesme "Andon Zako Çajupi" në Tiranë me drejtoreshën e këtij institucioni, Margarita Shatro dhe gazetaren e Wake Up, Edlira Sulejmani.