Të martën në mbrëmje, qytetarët e Prishtinës nuk e fshehën habinë kur panë përmendoret e heronjve me sytë e mbyllur. Ideja-protestë ka qenë e regjisores kosovare Flutra Zymi, e cila u ka mbyllur sytë shtatoreve të shumta në sheshet e Prishtinës, duke nisur nga shtatorja e Gjergj Kastriotit, presidentit Ibrahim Rugova, Zahir Pajazitit dhe shumë shtatoreve të tjera. Këtë iniciativë regjisorja thotë se e ka marrë që simbolikisht t’ua mbyllë sytë këtyre figurave, në mënyrë që mos të shohin se çfarë po ndodh në aktualisht në Kosovë. "Për mendimin ndryshe këta dijetarë dhe heronjtë tanë u keqtrajtuan, u abuzuan në mënyrën më mizore dhe brutale e po ashtu edhe u vranë. Përmendoret e tyre në sheshin e Prishtinës i ndërtuam t’i nderojmë dhe sa herë t’i shohim, të kujtohemi për ato mendime dhe atë ideal që sakrifikuan, që unë sot të kem të drejtën absolute të lirisë"- është reagimi i regjisores dhe ideatores së këtij projekti artistik Flutra Zymi.