Nesër në mbrëmje (ora 18:00), në Shkodër do të mund të vizitoni një ekspozitë shumë interesante e cila vjen nën emrin e veҫantë "Shtatë fotografë shqiptarë. Një rezidencë". Artistët që marrin pjesë në këtë ekspozitë janë: Abi Shehu, Bib Frrokaj, Elton Gllava, Erdiola Mustafaj, Erjola Zhuka, Marlin Dedaj dhe Orestia Kapidani. Kurator i kësaj ekspozite është François Cheval, i cili organizuar një sërë ekspozitash retrospektive, por duke krijuar në të njëjtën kohë hapësira për fotografë të rinj dhe kërkimet e tyre. Pjesë e rrugëtimit të secilit prej tyre është emigrimi, pasi shumica e tyre e kanë ndërtuar karrierën jashtë vendit (Itali, Gjermani). Punët e tyre herë-herë lidhen me të moshuarit, të kaluarën, mjedisin dhe shumë tematika të tjera sociale. Ata kaluan një periudhë katër javore në Shkodër ku prezantuan veprat e tyre, diskutuan për idetë e punëve të ardhshme, lexuan tekste e projekteve të filmave...etj.