Shqiptarët dhe sidomos të rinjtë, rezultojnë të jenë ndër përdoruesit më të lartë të Facebook në rajon, por edhe në krahasim me vendet e Bashkimit Evropian. Sipas të dhënave të publikuara nga Terra Data Analytics, statistikat e Facebook për 2020 tregojnë se janë 1.405 milionë përdorues aktivë mujorë që përdorin Facebook në Shqipëri, në një popullsi prej rreth 2.8 milionë banorësh, që ka vendi ynë. ) Shtatë nga dhjetë (69%) të rritur në Shqipëri pohojnë se përdorin Facebook. 73% e përdoruesve të Facebook janë nën moshën 35 vjeç. 918 mijë e përdoruesve vizitojnë faqet e rrjeteve sociale në baza ditore, duke e bërë Facebook platformën kryesore në Shqipëri, duke arritur 60.6% të përdoruesve të internetit. Interesant është edhe fakti që Facebook shiti 9.15 milionë dollarë reklama në Tremujorin e Parë të 2020 në Shqipëri. Ervin Goci, pedagog UT analizon shifrat dhe trendin. Sipas statistikave të Data Analytic përdorimi i Facebook për 2020 ka këto rezultate: 1) Janë 1.405 milion përdorues aktiv mujor që përdorin Facebook në Shqipëri. 2) 918 mijë e përdoruesve vizitojnë faqet e rrjeteve sociale në baza ditore. 3) Facebook është platforma kryesore në Shqipëri, duke arritur 60.6% të përdoruesve të internetit. 4)Facebook shiti 9.15 milion dollarë reklama në TM1 2020 (Jan, Shk,Mar)në Shqipëri. 5) Janë më shumë se 28 mijë fane page të regjistruara në Shqipëri. 6) Shtatë nga dhjetë (69%) të rritur në Shqipëri pohojnë se përdorin Facebook. 7) 73% e përdoruesve të Facebook janë nën moshën 35 vjeç. 8 ) 93% e përdoruesve aktivë të Facebook-ut kanë hyrë në platformën e mediave sociale përmes pajisjeve mobile. 9) 58.5 minuta është koha mesatare që përdoruesit që kalon në Facebook çdo ditë. 10) 36% e fane page shqiptare po përdorin Facebook për reklama