Para pak ditësh, në këtë program trajtuam gjetjet nga Sondazhi i Opinionit Publik “Besimi në Qeverisje”, i realizuar nga Instituti për Demokraci dhe Ndërmjetësim (IDM) gjatë periudhës 15 nëntor - 6 dhjetor 2019 në të 61 bashkitë e vendit. Ky ishte viti i shtatë radhazi që realizohet ky sondazh dhe ku sivjet rezultonte se Institucionet fetare janë institucionet shqiptare më të besuara, 65.6% e të anketuarve besojnë te to. Ato ndiqen nga forcat e armatosura (59.4%), Policia e Shtetit (54.6%), institucionet arsimore (57.3%) dhe sistemi shëndetësor (51.4%). Por cilat janë arsyet pse shqiptarët kanë më shumë besim të institucioent fetare, më shumë se te cilido institucion tjetër? Si e shpjegohet kjo rritje e besimit të qytetarëve shqiptarë tek institucionet fetare? A lidhet kjo me një dëshpërim kolektiv në një kohë që është humbur besimi tek qeveria, parlamenti, partitë politike apo gjyqësori? Këtë qasje e diskutuam sot me Genti Kruja, Sekretar i Përgjithshëm i Këshillit Ndërfetar të Shqipërisë (sociolog, pedagog).